रहर भो जिन्दगी
विधा: गजल
गजलकार: भगवती बस्नेत
प्रकाशक: अन्तर्राष्ट्रिय नेपाली साहित्य समाज (अनेसास)
________________________________
परदेशमा बिझाएको, कहर भो जिन्दगी ।
सुख खोज्दै भौतारिने, रहर भो जिन्दगी ।
सागरलाई छुन बगेँ, नदी बनी सधैं
सागर भने परै रहृयो , नहर भो जिन्दगी ।
क्षितिजलाई लक्ष्य ठानी, दौडें पछि पछि
आशै आशमा अल्झिएको, प्रहर भो जिन्दगी ।
कैल्यै आफ्नो हुन्न रैछ, निर्मोही दुनियाँ
अमृत भनी पिएको थें, जहर भो जिन्दगी ।